Plasencia Alma Fuerte Generacion V Salomon

السيجار الأخير. درة ثلاثي عيد الميلاد. من البداية كان اختياري الأول كسيجار سهرة عيد ميلادي، بسبب شكله العجيب اللي يحسسك إنه صاروخ هربان صندوق ألعاب نارية، وباند بتصميم وألوان ملكية. الهيئة غير المعتادة باسم Salomon أو Big Figurado بتتميز بأن الرأس بتكون صغيرة، وبيزيد قطر السيجار نزولًا للقدم، اللي بتنتهي منتفخة، وخارج منه بوز صغير! 

Vitola: Salomon (Box Presed) 
Length: 178 mm
Ring Gauge: 58
Strength: Medium - Full
Wrapper: Nicaraguan Habano
Binder / Filler: Nicaragua / Nicaragua
Wrapper Color: Colorado Maduro

الغلاف زيتي الملمس - العروق كتير وواضحة

الإيحاءات الباردة:
الجسم: توابل ضعيفة - سيدر ضعيف.
فوت: ضيق ومش باين منه حاجة.
كولد درو: شوكولاتة غامقة ونعناع قوي جدًا.

الثلث الأول:
أول نفس أرضي صرف بدون أي تدخلات تانية. بعدها بيبدأ السيدر والنعناع في الظهور، وتحس ببرودة في الدخان بسبب النعناع. الدرو سالك جدًا، فيراري. فلفل ابيض خفيف أوي في زوري، وفلفل أسود في الريتروهيلنج خفيف جدًا.
الطرف الضيق كان بداية مخادعة، الإيحاءات فيه اختفت، والدرو اتغير مسك نفسه شوية بعد ما كان مفتوح ع البحري. الطعم الأرضي كان تحية الافتتاح، واللي جه واستقر شوكولاتة وخشب وتوابل مع النعناع. اللسعة جابت لساني كله وزوري. الدخان كثيف ولونه أصفر. شوية والتوابل بيظهر منها قرفة وجنزبيل ومعاهم حرقان في المناخير. احساس انتعاش النعناع ده غريب جدًا في السيجار! 
خط الاحتراق متموج وظبط في الآخر.
النيكوتين ضعيف. 
مدة التدخين ٦٠ دقيقة.

الثلث الثاني:
البروفايل رجع تاني هادي. خشبي وسيدار وشوكولاتة غامقة ونعناع هادي أوي. فلفل أبيض في آخر الزور، وفلفل أسود في الريتروهيلنج.
منتصف الثلث الثاني البروفايل بيتغير تمامًا. جلد ومكسرات، وشوية مزازة خفاف. مع الوقت المزازة طلعت جوزة الطيب.
البروفايل بيتغير تالت وبيبقى "منيمال"، جلد ومزازة قشر ليمون، وفلفل أسود في الريتروهيلنج.
النيكوتين بيقرب من المتوسط شوية. 
مدة التدخين ٥٥ دقيقة. 

الثلث الأخير:
الأوله مكسرات محمصة، قهوة ممكن تكون خضراء، فلفل أسود في الريتروهيلنج. المكسرات بتضعف مع الوقت، والقهوة بتبقى كأني بمضغ حبوب قهوة محمصة. والفلفل الأسود بيزيد على شفايفي ولساني. 
قبل النهاية، بنراجع الإيحاءات اللي ظهرت معانا، جوزة الطيب، سيدار، قشر الليمون شرحه. مكسرات مملحمة، قشر ليمون تاني. 
النيكوتين أخيرًا بيتقل ويبقى فوق المتوسط لقوي.
مدة التدخين ٥٣ دقيقة، ووقفت تدخين عند الباند التالت لأني كنت تعبت من طول مدة التدخين، وسايب ما يوازي نص ساعة تدخين كمان. 

مدة التدخين الكلية ٣ ساعات إلا ١٠ دقايق.

السيجار من اللي ينطبق عليهم مقولة "الجواب يبان من عنوانه". إيحاءات كتيرة غير معتادة ومعقدة. البروفايل بيتغير أكتر من مرة، وتغيير كلي مش جزئي. والأحلى ختام المراجعة النهائية، اللي بيعملك ملخص لكل الإيحاءات اللي عدت عليك في قاعدة تدخين طويلة واستثنائية مع سيجار هو حفلة كاملة في نفسه، مش مجرد سهرة.