Macanudo Inspirado Red Rubesto Box Pressed

ماكانودو من الماركات اللي اسمها اول ما اتعرفت عليه اداني إيحاء إنه أسباني، وفيه شئ من العنف والدموية، وده معناه سيجار التعامل معاه مش سهل إطلاقًا. أول تعارف معاه كان (Macanudo Inspirado Orange Churchill). الإيحاءات معقدة، وكنت في بداياتي لسه؛ فاتاخدت كده ومبقتش عارف أخد منه موقف واضح! ولما كررت نفس التجربة، مكنتش في مود مراجعة وتدقيق، فانبسطت من غير ما انغمس فيه وفي إيحائاته زي عادتي. المرة دي الموضوع اختلف، معايا سامبلر Macanudo حلو ومليان درر. جربت منه (Macanudo cafe hyde park) وطلع سيجار مايع في إيحائاته، مايستاهلش يتعمله مراجعة، ولا إني أجيبه تاني! وفي (Macanudo Inspirado Black) الغلاف بتاعه أسود سواد ليلة واحد في الشهر العربي، مخليني مقلق أجربه. لكن أول سيجار أجربه من السامبلر، كان سيجار المراجعة بتاعنا النهاردة. 

Cigar Reviewed: Macanudo Inspirado Red Robusto
Country of Origin: Nicaragua
Wrapper Color: Maduro 
Wrapper: Ecuadorian Habano Ligero
Binder: Jalapa (Nicaragua)
Filler: Jamastran Valley Honduras (Aged 10 Years), Ometepe Nicaragua (Aged 12 Years), Estelí Nicaragua (aged 5 years)
Length: 5 Inches
Ring Gauge: 50
Vitola: Robusto

الإيحاءات الباردة:
أروما لجسد: شوكولاتة - سيدر
أروما القدم: سيدر - فلفل أسود
السحب البارد: سيدر - تبغ - فلفل أسود

الثلث الأول:
أول نفس خشبي وفلفل أسود في الريتروهيلنج.
البروفايل خشن من البداية، خشبي صرف، أقرب لخشب متحمص، مع السيدار، وهنت خفيف كاكاو خام، والافترتيست مستكة. أما الريتروهيلنج شكله هيبقى "معطسة" من كتر الفلفل الأسود.
مدة التدخين ٢٥ دقيقة
النيكوتين متوسط

الثلث الثاني:
البروفايل زي ما هو خشن. الإيحاءات بتتجه للجلد ومزازة قشر برتقال، وقهوة، وفلفل أسود. والريتروهيلنج لسه فلفل أسود بس أقل شوية من الثلث الأول. المستكة رجعت تظهر تاني في الافترتيست مع القهوة، عاملين كونترست جميل جميل جدًا.
مدة التدخين ٢٠ دقيقة
النيكوتين لسه متوسط

الثلث الأخير:
رجعنا تاني للإيحاءات الخشبية والسيدر والشوكولاتة والفلفل الأسود، والريتروهيلنج مليان فلفل أسود. بعد شوية ظهر توابل ما خفيفة في الأفترتيست مقدرتش اميزها. 
الباند تقريبًا كان حالف ما يتشال، ومتفكش غير أما جرح الرابر وأخد حتة معاه.
قرب الآخر الفلفل الأسود زاد مع تحميصة بن، ولسعة شطة في آخر الزور. والتوابل اللي معرفتهاش غالبًا جوزة الطيب!
مدة التدخين ٤٥ دقيقة
النيكوتين متوسط

مدة التدخين الكلية ساعة ونص. 
الاروما مليانة فلفل أسود (مش قلت هتبقى معطسة). 😅

التجربة بوجه عام أقرب للكوبية، ممتعة جدًا، أحب أكررها تاني.