غاوي سيجار

(آڨو) من الماركات اللي كنت متشوق أربها، وأكتر من مرة تيجي عند التجار وتخلص قبل ما آخد قرار الشرا من كتر ما كنت متردد اشتريها بسبب الشكر المبالغ فيه كل اللي جربوها. وأنا أي حاجة بلاقي عليها إجماع و"أفعل" التفضيل بتستخدم كتير لوصفها، باخد منها جنب. ده غير سعرها اللي كنت شايفه مبالغ فيه. وكنت عاوز اشتريها لأني معجب بالـ"تيوب" وعاوز احتفظ بيها، فاتغاظت من نفسي وتعمدت أسوف في قرار الشرا كتير، والتاجر اللي كان جايبهم خلص الاستوك اللي عنده. لحد ما وقع في سكتي "سامبلر" محترم بسعر محترم جدًا، كان مغري إني آخد قرار الشرا بسرعة على غير المعتاد. وبعد ٣ شهور ونص تقريبًا كان معادي مع أول تجربة من (آڨو).  Wrapper: Ecuadorian Connecticut Wrapper Color: Colorado Claro  Binder: Dominican Filler: Nicaraguan (Ometepe) | Dominican (Piloto Cubano, San Vicente, & hybrid Olor/Piloto) | Peruvian (Olancho) Factory: Oettinger Kelner Cigars (Dominican Republic) Vitola: 5″ x 50 robusto أروما الجسد: جلد طبيعي مدبوغ طازة (جلد جديد)  أروما الفوت: جلد وشوكولاتة وتوابل حريفة السحب البا...

السيجار الأخير. درة ثلاثي عيد الميلاد. من البداية كان اختياري الأول كسيجار سهرة عيد ميلادي، بسبب شكله العجيب اللي يحسسك إنه صاروخ هربان صندوق ألعاب نارية، وباند بتصميم وألوان ملكية. الهيئة غير المعتادة باسم Salomon أو Big Figurado بتتميز بأن الرأس بتكون صغيرة، وبيزيد قطر السيجار نزولًا للقدم، اللي بتنتهي منتفخة، وخارج منه بوز صغير!  Vitola: Salomon (Box Presed)  Length: 178 mm Ring Gauge: 58 Strength: Medium - Full Wrapper: Nicaraguan Habano Binder / Filler: Nicaragua / Nicaragua Wrapper Color: Colorado Maduro الغلاف زيتي الملمس - العروق كتير وواضحة الإيحاءات الباردة: الجسم: توابل ضعيفة - سيدر ضعيف. فوت: ضيق ومش باين منه حاجة. كولد درو: شوكولاتة غامقة ونعناع قوي جدًا. الثلث الأول: أول نفس أرضي صرف بدون أي تدخلات تانية. بعدها بيبدأ السيدر والنعناع في الظهور، وتحس ببرودة في الدخان بسبب النعناع. الدرو سالك جدًا، فيراري. فلفل ابيض خفيف أوي في زوري، وفلفل أسود في الريتروهيلنج خفيف جدًا. الطرف الضيق كان بداية مخادعة، الإيحاءات فيه اختفت، والدرو اتغير مسك نفسه شوية بعد ما كان مف...

"لا أروما دي كوبا" واحدة من أقدم شركات التبغ الكوبية، اللي بيرجع تاريخها لسنة ١٨٨٠. وكانت من أوائل الماركات اللي وقع في غرامها الملازم الشاب وينستون تشرشل لما كان في كوبا سنة ١٨٩٥ لرصد الثورة الكوبية وحربها ضد الاستعمار الإسباني. هناك وينستون وقع في غرام التبغ الكوبي الملفوف يدويًا. وواضح من مذكراته إن الفترة اللي قضاها في كوبا كانت من الفترات الجميلة في حياته، حتى إنه وصف كوبا بـ "الكبيرة، الغنية، والجزيرة الجميلة".  وبعد أكثر من ١٢٠ سنة، في بداية الألفينات، "لا أروما دي كوبا" بتبدأ في صناعة ميراث جديد ومتميز في نيكاراجوا تحت إشراف أسطورة صناعة السيجار الحالي خوزيه بيبن جارسيا. Strength: Medium Country: Nicaragua Wrapper: San Andrés Binder and filler: Nicaragua Length: 127 mm Ring Gauge: 50 Vitola: Robusto box pressed  السيجار هيئته العامة مع الباند اللاتيني الرومانتيكي وصورة السيدة الممتلئة الناعمة، يوحي بتجربة مرهفة، شبه قطعة موسيقى چاز بطلها الساكسفون. إلا إن السيجار من بدايته بيعلن عن رفضه للحكم المسبق بإيقاعات خشنة كأنها أغنية ميتال. الإيحاءات البارد...

Country of Origin: Nicaragua Wrapper: Mexico (San Andrés) Binder: Nicaragua Filler: Nicaragua Length: 127 mm Ring Gauge: 52 Vitola: Robusto الإيحاءات الباردة: أروما الجسم: قرنفل - كركاديه أروما الفوت: توابل سحب بارد: شوكولاتة غامقة - زبيب إيراني الثلث الأول: أول نفس ميكس بين الخشبي والأرضي، وفلفل أبيض في سقف الحلق. السحب متوسط - الدخان متوسط - خط الاحتراق متموج الإيحاء الخشبي بيقل لصالح السيدار، وفلفل أسود خفيف بيظهر في الريتروهيلنج. الإيقاع هادي، مفيش مفاجآت عنيفة. البروفايل أقرب للكوبي لحد دلوقتي. نهاية التلت الأول بعد حوالي ٣٨ دقيقة. الثلث الثاني: البروفايل بيتغير مرة واحدة ١٨٠ درجة مع ظهور مكس قهوة وطعم كريمي مسكر أقرب لطعم الكابوتشينو، وبيختفو بسرعة. وتظهر قرفة، ودفعة فلفل أسود في الريتروهيلنج لهلبت مناخيري، وبرضه بيختفو فجأة زي ما ظهرو فجأة. كأن زحمة الإيحاءات دي كلها مجرد فاصل بين ثلثين. البروفايل بيتغير خالص، وبيظهر هنت جلدي مع طعم تحميص بن فيه تسكيرة خفيفة لطيفة جدًا. بنستقر على كده شوية، والفلفل الأسود بيرجع تاني للريتروهيلنج في نهاية الثلث الثاني، اللي استغرق حوالي ٢٥ دقيقة...

Category: Premium Cigars Vitola: Torpedo Wrapper Color: Colorado Claro Wrapper: Cameroon Binder: Nicaraguan Filler: Nicaraguan Origin: Nicaragua Ring Gauge: 64 Length: 100 mm Paired with: Black Tea سيجار النهاردة شبه علي ابن الناس الكويسين. مدكوك في نفسه، بس شيك. لابس قميص أبيض ومشمر لنص دراعه. البنطلون كحلي. والساعة جلد بني بظرف دهبي ومينا بيضا بعقارب زرقاء. السيجار شكله العام يوحي إن ظاهره البساطة، بس يخليك مقلق من اللي ممكن يقابلك لما تقعد معاه. الباند بسيط وشيك جدًا، خطوط مستقيمة من الأزرق والذهبي على خلفية بيضاء. سيجار (نَبْ) قعدت فترة متردد أجربه، وجزء من التردد ده كان بسبب هيئته، تحسه مكعبر! رينج كبير بيوصل لـ ٦٤، وطوله قصير حوالي ١٠ سم.  بدأت القاعدة وأنا في مود مش لطيف، تقدر تقول كنت قاعد مع السيجار عاقد الـ١١١ وكأني متضرر؛ وقصيت مرتين V عكس بعض بالكاتر البارد، ومسحبتش على البارد عشان استطعم وأشوف إيه يتشرب معاه، ولا صورته الصورة الرسمية!  الثلث الأول بدأ هادي، بما يليق بالانطباع الأولي اللي سابه عندي شكل السيجار. الإيحاءات جلد بمرارة بسيطة، مع عصرة ليمون أضاليا لطيفة...

سيجار حلو وجميل وإيحاءاته لذيذة، سبق  وعملتله ريڨيو قبل كده.  المرة ده جه في الثلث الثاني وقلب على (خوسيه بارتولو)! طعم جلدي مر، ومزازة مزعجة، كأني بمضغ قشرة ليمونة خضرا. شكيت في نفسي وقلت يمكن أنا اللي لساني فيه مشكلة، نصبر شوية، خصوصًا إن السحب سالك وزي الفل. فضلنا مكملين على الحال ده شوية لحد ما زهقت. قلت مابدهاش بقى، نجيب الملقاط ونفتح أوضة الجراحة. طلع معانا فرع شجرة مش مجرد عرق. ومن نضافته، طلع بالزيت بتاعه لدرجة إنه صبغ صوابعي وأنا بسحبه. بعدها السحب بقى فيراري مش سالك بس، والإيحاءات رجعت حلوة من تاني، مكسرات وفلفل أبيض، وجلد، ومزازة خفيفة لطيفة. وختمنا القاعدة اللي باظ منها شوية في النص بلعب المنتخب اللي زي الزفت، والعرق اللي أتخن من وسط وسيم الصريطي.