غاوي سيجار

Category: Premium Cigars Vitola: Torpedo Wrapper Color: Colorado Claro Wrapper: Cameroon Binder: Nicaraguan Filler: Nicaraguan Origin: Nicaragua Ring Gauge: 64 Length: 100 mm Paired with: Black Tea سيجار النهاردة شبه علي ابن الناس الكويسين. مدكوك في نفسه، بس شيك. لابس قميص أبيض ومشمر لنص دراعه. البنطلون كحلي. والساعة جلد بني بظرف دهبي ومينا بيضا بعقارب زرقاء. السيجار شكله العام يوحي إن ظاهره البساطة، بس يخليك مقلق من اللي ممكن يقابلك لما تقعد معاه. الباند بسيط وشيك جدًا، خطوط مستقيمة من الأزرق والذهبي على خلفية بيضاء. سيجار (نَبْ) قعدت فترة متردد أجربه، وجزء من التردد ده كان بسبب هيئته، تحسه مكعبر! رينج كبير بيوصل لـ ٦٤، وطوله قصير حوالي ١٠ سم.  بدأت القاعدة وأنا في مود مش لطيف، تقدر تقول كنت قاعد مع السيجار عاقد الـ١١١ وكأني متضرر؛ وقصيت مرتين V عكس بعض بالكاتر البارد، ومسحبتش على البارد عشان استطعم وأشوف إيه يتشرب معاه، ولا صورته الصورة الرسمية!  الثلث الأول بدأ هادي، بما يليق بالانطباع الأولي اللي سابه عندي شكل السيجار. الإيحاءات جلد بمرارة بسيطة، مع عصرة ليمون أضاليا لطيفة...

سيجار حلو وجميل وإيحاءاته لذيذة، سبق  وعملتله ريڨيو قبل كده.  المرة ده جه في الثلث الثاني وقلب على (خوسيه بارتولو)! طعم جلدي مر، ومزازة مزعجة، كأني بمضغ قشرة ليمونة خضرا. شكيت في نفسي وقلت يمكن أنا اللي لساني فيه مشكلة، نصبر شوية، خصوصًا إن السحب سالك وزي الفل. فضلنا مكملين على الحال ده شوية لحد ما زهقت. قلت مابدهاش بقى، نجيب الملقاط ونفتح أوضة الجراحة. طلع معانا فرع شجرة مش مجرد عرق. ومن نضافته، طلع بالزيت بتاعه لدرجة إنه صبغ صوابعي وأنا بسحبه. بعدها السحب بقى فيراري مش سالك بس، والإيحاءات رجعت حلوة من تاني، مكسرات وفلفل أبيض، وجلد، ومزازة خفيفة لطيفة. وختمنا القاعدة اللي باظ منها شوية في النص بلعب المنتخب اللي زي الزفت، والعرق اللي أتخن من وسط وسيم الصريطي.

Country of Origin: Honduras Wrapper: Ecuadorian Corojo Binder: Connecticut Habano Filler: Dominican Republic, Nicaragua Size: 5 Inches Ring Gauge: 54 Vitola: Robusto تقريبًا ده تالت سيجار السنة دي أكسل اكتب انطباعتي عنه -عادتي ولا هاشتريها- رغم إنه مش مجرد مخيبش ظني؛ لأ، ده فاق توقعاتي وعدل مزاجي جدًا. السيجار ده كان من ضمن "شروة" كبيرة في أول تجمع احضره لمدخني السيجار. يومها كنت بانتهز فرصة العروض ومساحة الشرا المتاحة على الأرض من مناقشة ومناهدة وهزار في محاولة الفصال لتخفيض السعر، وكل ما هو غير متاح في الشراء "أونلاين". فكرة إني واقف قصاد ترابيزة عليها أنواع سيجار كتير معرفش اغلبها، وإيدي طايلاها، أقدر امسكها وأقلب فيها، مش مجرد باشتري عن طريق صورة سواء مصدرها (جوجل)، أو متصورة عن طريق التاجر -اللي ممكن أقول إن العلاقة مع بعضهم بقت أكتر شوية من علاقة تاجر وزبون- اللي خلا الشرا يومها له طعم تاني، وكان فيه شئ من الشراهة. سيجار النهاردة تحديدًا كان ترشيح مباشر من التاجر/الصديق -اللي مكانش صديق يومها وكنت أول مرة اشتري منه- لما عرف إني بأفضل السيجار التقيل. ورغم ثقتي ...

Wrapper, binder & filler: Cuba Vitola: Robusto Size: 123 mm * 50 "Every man deserves a Hoyo." واحدة من أشهر العبارات الدعائية اللي قدر المُنتَج يرسخها وأصبحت "حقيقة" لا مجرد دعاية. (هويو دي مونتيري إبيكور رقم ٢) واحد من أشهر الإبداعات الكوبية في هيئة الـ"روبستو". وده كان سبب إني أشتريه من ٤ شهور عشان يكون آخر سيجار أختم بيه السنة. ورغم إني طوال الفترة القصيرة جدًا اللي قضيتها مع السيجار عرفت فيها من تجارب الآخرين إن السيجار الكوبي مشهور بعروق حشوته القادرة على جعل السحب مستحيل، مما يحول تجربتك السيجارية إلى جحيم، ويحسسك إنك "كومبريسور" شفط ضارب زيت مش قادر تسحب نفس واحد. السيجار قبل الإشعال في السحب البارد اداني إيحاء أرضي، مع طعم غلة طازة لسه مقشورة "قمح"، مع طعم مسكر. ورفع سقف توقعاتي واستعدادي لختام مبهر للعام، وبقراري المبكر شجدًا باختيار سيجار ليلة "رأس السنة". وبعد التحميص والإشعال، لا يوجد شئ. السحب ثقيل جدًا. الإيحاءات باهتة تمامًا، مش قادر أمسكها، أو اتعرف عليها. وانتهى الثلث الأول على الحال ده. في الثلث الثاني، ...

Wrapper Color: Colorado Wrapper: Cuba Binder: Cuba Filler: Cuba Size: 123 mm Ring Gauge: 50 Vitola: Robusto Smoking time: 95 min Paired Drinks: Coffee, coffe latte & red tea سيجار النهاردة كوبي (روميو وجولييت تشرشل قصير)، نقدر نقول عليه بلغة السيارات "مقاس معدل" من اصدار روميو وجولييت الأشهر (روميو وجولييت تشرشل). الاصدار حديث نسبيًا، بدأ إنتاجه في ٢٠٠٦، ويعتبر من أشهر إصداراتها الروبستو. لو تأملنا شكل السيجار الخارجي، هنلاقيه بيعلن عن شخصية قوية أنيقة محملة بطبقات من تاريخ صاحب اسم الاصدار الأشهر (سير وينستون تشيرشل). فالغلاف فاتح "كولورادو"، "توثي toothy"، بعروق قليلة، وغطاء رأس ثلاثي، مع ٢ باند؛ باند روميو وجولييت الأشهر، والثاني ذهبي عليه اسم الاصدار بلون أسود وخط عريض. بعد القطع، والتذوق البارد، بنلاقي إيحاء مسكر لطيف مع أرضي شبيه بريحة تربة جنينة عاوزة تتروي. الثلث الأول هادي، مفيش توابل ولا فلفل أسود زي ما كنت متوقع، بالعكس، الطعم المسكر اللي حسيته قبل الإشعال، اتحول لكراميل لطيف، مع تحميص يخليك متلخبط؛ ده تحميص مكسرات، ولا تحميص قهوة بتظهر خفيف...

Wrapper: Nicaraguan Habano Rosado Binder: Jalapa Filler: Esteli, Condega, and Ometepe Size: 5" x 50 Robusto سيجار داڨيدوف نيكاراجوا من أشهر اصدارات داڨيدوف المعروفة بإيحاءتها القوية. السيجار أول ما تشوفه بلونه البني الغامق اللامع بضي برتقالي، قاسي، العروق واضحة بطوله، والاتنين "باند" بتصميم داڨيدوف البسيط؛ هيديك إيحاء إنك داخل تجربة مركبة، مش مجرد سيجار "تقيل" بقوة إيحاءاته وجرعة النيكوتين فيه. السيجار عندي من حوالي ٤ أشهر، وده كان أول سيجار اشتريه عشان مناسبة، مش لمجرد الاستكشاف وتدخين "بليند" جديد. وطول مدة تخزينه ساعدت إنه يرتاح بشكل كاف، وإنه يطلع ما عنده بالكامل. مدة تدخينه قربت للساعة وربع، ودي مدة طويلة على مقاس "روبستو"، بس من كتر استمتاعي بيه كنت بدخن على مهل، وانطفأ مني أكتر من مرة في التلت الأخير من كتر ما كنت باسرح معاه. السيجار في ثلثه الأول بروفايله كان واضح تمامًا... طعم خشبي، مع فلفل أسود على الشفايف، مع لسعة زنجبيل، اللي بتوصل لطرف اللسان. في آخر اللسان بتحس بطعم مكسرات أقرب للجوز، والـ"ريتروهيلينج" سلس، مفيش فلفل ...

Wrapper: Italian Kentucky Seed Fire Cured Binder: None Filler: USA Kentucky, Italian Length: 152 mm Ring Gauge: 38 دي أول تجربة للتوسكانو، وكنت مأجله لقاعدة حلوة وأكلة تقيلة. السيجار زي ما احنا شايفين مختلف عن الشكل المعتاد للسيجار، ومختلف كمان في طريقة معالجة أوراق التبغ، واللف. وبدون ما ندخل في تفاصيل كتير، التوسكانو بيعتمد في انتاجه على التخمير والانضاج الحراري للتبغ، والمنتج النهائي بيكون أكثر جفافًا من السيجار المعتاد، وتخزينه مش بيحتاج ظروف خاصة تعتمد على ثبات درجات الحرارة والرطوبة، بالعكس، مجرد بس إنك تشيله في مكان مابيشوفش الشمس وخلاص. حتى النسخة المصري منه بنتعمد نعاملها بقسوة، وحرفيًا بنرميها في أي درج. لو هانستعرض السيجار ظاهريًا هنلاقي ورقة الغلاف جافة نسبيًا. الطرفين مقطوعين، ممكن تولع من اي طرف منهم. بالإضافة للشكل العام، سميك من المنتصف، رفيع من الأطراف. وبما إني بحب أذاكر أي سيجار قبل ما اشتريه، وأراجع اللي ذاكرته قبل ما ادخنه، فكنت متوقع إني داخل على تجربة مش سهلة، السيجار بحسب المراجعات اللي قريتها، قوي، نيكوتين تقيل؛ ويمكن للسبب ده الطلاينة بيحبو يقسموه نصفين، نص يد...

واحد من أوائل السيجار اللي جربتها، وكانت تجربتي معاه غاية في السوء، وكنت مقرر مدخنوش تاني. المرة ده حصل غلط في أوردر، وجالي بالغلط. قلت دي علامة عشان ياخد فرصة تانية، خصوصًا بعد ما الواحد بدأ يفهم في أصول تخزين السيجار، وإن السيجار اللي شاريه جديد لازم أسيب يرتاح مع بوڨيدا أسبوعين على الأقل -أنا بأفضل شهر- عشان أقدر استمتع بيه وبإيحاءاته. مؤخرًا كنت بجرب حاجة جديدة؛ طلعت كل السيجار اللي هدخنه الأسبوع ده، وحطيته في "دراي بوكس" مع بوڨيدا ٨جم، وقفلت عليهم كيس "زيب لوك"؛ عشان اعمل تهدئة للسيجار من رطوبة الجو، عشان ميحصلوش صدمة، وفرق الرطوبة يكون بخار مياه داخل السيجار، فيتنفخ وسط التدخين، والغلاف يتشقق! والتجربة نجحت في أول اختبار. السيجار مقاسه ٩٠مم والرينج ٤٤. الغلاف والحزام والحشو كلهم كوبي. اللف يدوي، بحشوة طويلة "long filler"، وغطاء رأس "cap" ثلاثي. اصدار "هاف كورونا" من إتش آبمان بدأ إنتاجه في ٢٠١١، في صندوق من ٢٥ سيجار، وكان بهدف إنتاج سيجار عالي الجودة، مناسب لمدة تدخين قصيرة، ٢٠ - ٢٥ دقيقة؛ إلا أن مدة تدخيني وصلت لـ ٥٠ دقيقة! السنة...

سهرة امبارح كانت مع سيجار خويا دي نيكاراجوا. السيجار مفيش عنه أي بيانات أونلاين، ومفيش معلومة مؤكدة عرفت أوصلها غير إنه لونج فيلر. المعلومات والأوصاف اللي جاية العهدة فيها على البائع، والمقاس ولون الرابر اجتهادي: السيجار تجريبي تم إنتاجه من حوالي ٤ أو ٥ سنين في تجربة إنتاج حصري غير مخصص للأسواق التجارية، إلا إنه فشل وتم إنهاء التجربة. الشكل بِليكوسو مقاسه تقريبًا ١٦ سم والرينج ٥٢. الغلاف كولورادو مادورو. السيجار عندي من حوالي شهر ونص، وكنت سايبه ياخد راحته على الآخر، اعتقادًا مني إن الباند اللي بيقلد دافيدوف، ممكن يكون إشارة إن السيجار نفسه بيحاول يتقمص نفس البليند، رغم إني شاريه وعارف إن من فئة السيجار الاقتصادي! بعد القص وقبل التحميص، أخدت نفس على البارد كان فيه إيحاءات مسكرة وخشبية. حمصنا وولعنا، ونحاول نسحب أول نفس... مفيش. تاني نفس... مفيش. طب تالت نفس... مفيش. السيجار مكتوم بشكل كان محتاج "كومبريسور" شفط عشان يقدر يجاريه؛ وده طبعًا بوظ القاعدة تمامًا. بعد شوية في محاولة لتسليك الدرو، استخدمت النابر من الكاب، وده فك الكتمة شوية بس مش أوي. نتيجة للدرو المكتوم، معرفتش استم...

Wasn't that full body I wished for and thought it would be! The usual GURKHA. Vitola: Toro 6"*54 Rolled by: Handmade Wrapper Color : Maduro Wrapper: Criollo Binder: Dominican Olor leaf Filler: Dominican Strengths: Mild to Medium كعادة جورخا معايا؛ السيجار شكله غير حقيقته تمامًا. اللون المادورو الغامق يوحي بجلسة تدخين غنية بإيحاءات شبه معقدة، وجرعة نيكوتين ثقيلة. إلا أن السيجار في حقيقته هادئ، كريمي الإيحاء. الفلفل الأسود يظهر على استحياء في الثلث الأول، مع قليل من المكسرات الطازجة، تحديدًا الفول السوداني والجوز، مع القليل من الاعشاب العطرية، والطعم الخشبي. في ثلثه الثاني تختفي المكسرات والفلفل الأسود، لتسيطر شوكولاتة باللبن غنية وناعمة جدًا، مع استمرار الأعشاب العطرية. وفي الثلث الأخير تعود الاعشاب العطرية لتصنع مزيج مدهش مع الشوكولاتة المستمرة في الظهور، ليمتزج معهم إيحاء المكسرات المحمصة بخفة وهدوء. وأخيرًا يظهر النيكوتين بآداء الأهلي في هدف الـ ٩٠+ مع فلفل أسود في الريتروهيلنج ليصنع توازن ممتع في نهاية جلسة التدخين الهادئة. خط الاحتراق متوازن طول مدة التدخين. الدخان كثيف جد...

أفخم انتاجات سيجار الشركة الشرقية للدخان. التوليفة والإيحاءات واحدة، زي الكورونا والروبستو. المزازة الحمضية المزعجة اللاذعة بمرارة. المرارة اللي بتزيد مع انسداد "الدرو". الفلفل الاسود بيظهر خفيف في الريتروهيلنج، ومتستناش منه أكتر كده. السيجار له "كاب" واحد ضعيف، معرض للفك وتهتك الغلاف عند القص بغير حرص شديد. مشكلة السيجار ده الأساسية تكمن في اللف! السيجار من أول مامسكته باين فيه ٣ عروق واضحين. حاولت اسحبهم بالراحة مطلعوش، وطلع من المنتصف بالضبط عرق متني نصين وسط التبغ بطول ١٠سم. واضطريت اقطع حوالي ٢ سم من ناحية "الكاب" عشان الغلاف كان بدأ يتقطع! واللي كنت خايف منه لقيته. لما فتحت الجزء اللي قطعته، مطلعش في عروق! ده الحزام مكرمش وعامل طبقات متنية فوق بعضها. دليل إن السيجار اتلف مهوي، والغلاف قرص عليه، فعمل الخنقة دي والكرمشة في الحزام. الشرقية للدخان لازالت تفتقر لضبط الجودة في مراقبة عملية تصنيع السيجار.

  سيجار مزز هيزغزغ شفايفك بمزازة حمضية قوية جميلة ولسعة فلفل أسود مع شوية توابل لطيفة. طعم الخشب والأرض والشوكولاتة الغامقة والقهوة المتحمصة هايقبلوك كتير في رحلة التدخين. الشوكولاتة هتسيب أثرها على شفايفك برقة، مع احساسك بطعم المزازة الزيتي، كأنه قشرة برتقال أو ليمون متعتقه مع ورق الغلاف الغامق اللامع. لسانك هايغرق في مرارة الطعم الارضي ومزازة الحمضيات القوية. القهوة هتحسها في آخر حلقك مع لسعة التوابل والفلفل الأسود. الريتروهيلنج قوي مع الفلفل وريحة الحمضيات، ممكن يخلوك تعطس. جرعة النيكوتين متوسطة لقوية، ولو مش واكل كويس ممكن تدخل في نيكوتين راش. شربت معاه شويبس جولد أناناس، وده دعم من إيحاءات المزازة ولسعتها، سواء على الشفايف أو في آخر الحلق. أول مرة المشروب يكون مناسب تمامًا للسيجار. أوليڨا ڨي بليكوسو سيجار شخصيته واضحة وقوية، وهيبقى أجمل مع أنغام ( القالك حد ) و( ياطيب ).

  شوية قرفة مع لسعة فلفل أسود خفيــــف أوي، والنيكوتين مش جاي، ماتستناهوش. Oliva G Cameron سيجار خفيف، بس يتحب.

Cuban Petit Rubesto 90 mm * 50 Smoking time: about 45 mins غشيم سيجار غشيم، جرعة نيكوتين تقيلة، مع طعم جلدي عنيف طول مدة التدخين. التوابل خفيفة، القهوة والشوكولاتة جم زارونا ومشيو في السريع. السيجار كان لايق جدًا على مود اليومين دول؛ أحداث كتيرة وسريعة وعنيفة. بس كان محتاج معاه اسبريسو دابل شوت عشان تدعم الإيحاءات وتعدل المزاج.

  سيجار سهرة الليلة كان خوسيه بارتولو روبستو. بقاله شهر ونص بيرتاح ويا البوڨيدا وياخد وضعه كده. Online Photo السيجار في التلت الاولاني بدأ بعوكوسات. الاحتراق مش مظبوط، وجنب أعلى من جنب بسبب tunneling اتسبب إن الاشتعال يبقى طيارة في جنب منهم، وكل شوية ألاحق ع التاني بالولاعة. طبعًا ده حول القاعدة لمدخنة عربية بطاطا، مش أكتر. التلت التاني فضلنا ع الحال ده شوية، وفي نصه سرعة الاشتعال هديت، وخط الاشتعال بقى مسطرة، والبارتولو قلب مستورد! إيحاءات مكسرات مملحة، مش شوية فلفل أسود بيزغزغ في اللسان والريتروهيلينج، مع افترتيست كريمي. حاجة ولا شغل الخواجة في كوبا! التلت الأخير كمل على نفس الحال، وكنت مستني المزازة إياها تظهر، أو مرارة الجلد تبان... مفيش. الفلفل هو اللي قل شوية، والمكسرات والأفترتيست الكريمي مكملين. ويمكن اللي عزز إيحائاته إني كنت واكل قبله طبق حلو، فيه صوص كراميل، ومشربتش حاجة أثناء التدخين. الروبستو لحد دلوقتي مقصرش معايا غير مرة واحدة من ٤ أو ٥ مرات من نفس العلبة. وكل ما يطول في التابروير، كل ما يظبط أكتر، كأنه لونج فيلر sungrown ابن اللذينه.

سيجار لطيف متوسط القوة، إيحائاته بتتحرك بين الفلفل والمكسرات والطعم الكريمي. يتشرب معاه قهوة، هاتظبط إيحائاته أكتر وتدعمها. Filler: Dom. Rep., Honduras, Nicaragua Binder: Honduras Wrapper: Honduras Selected by Cigar Aficionado 2017 #20 Cigar Of The Year – Rated 92

سيجار قصير مناسب لقاعدة سريعة. بيبدأ هادي في تلته الأول. شوية فلفل أسود خفيف تحسهم في الريتروهيلينج، والدرو متوسط. التلت التاني الدرو بقى أخف. الفلفل الأسود بيزيد، النيكوتين بيبدأ يظهر بخفة، وإيحاء تحميص بن تحسه جاي من بعيد في آخر لسانك... كأنك داخل شارع في آخره محمصة بن. التلت الأخير الفلفل بيظهر بعنف ويلسع في المناخير. طعم تحميص البن وريحته بيثبتوا وجودهم بقوة ومرارة لطيفة، مع سوداني محمص. النيكتوين بيهجم بعنف مع آخر كام بف لدرجة إنه ممكن يتسبب في نيكوتين راش لو مش واكل كويس. السيجار ده ميتشربش معاه غير قهوة... وقهوة سادة بدون أي إضافات غير السكر اللي ياريت ميكونش زيادة عشان ميبوظش طعم السيجار. تجربة بدأت هادية بزيادة -عكس المتوقع- وخلصت بإني مشبعتش وعاوز أولع كمان واحد.

جوانتاناميرا سيجار كوبي بإيحاءات حمضية في ثلثه الأول، يتناسب معه مشروب الليمون بالنعناع. أما ثلثه الثاني فغني بإيحاءات الكزبرة كما في تقلية ملوخية ثقيلة من مطبخ الجدات -آه والله زامبقولك كده- كفيلة بتعكير صفو جلستك. وتغرق في الإيحاءات الجلدية في ثلثه الأخير. سيجار رخيص، ذو إيحاءات غرائبية عجيبة! 

Vitola: Toro 6"*52 Binder: Dominican Olor leaf Filler: 15-year old Dominican tobacco Wrapper: Brazilian Arapiraca maduro wrapper دخان كثيف، أروما عالية، طعم مزازة غريب على الرابر البرازيلي خلاني معرفتش استمتع وأركز في الإيحائات. وإن كان طعم المزازة اختفى في التلت الأخير وظهر طعم أقرب للمخبوزات! سيجار لطيف استغرق حوالي ساعة ونص تدخين.

A thick, reach, full body, great cigar. A wonderful experience ended badly. But it didn't ruin the night. And the band is such a magnificent piece of art. سيجار عظيم أول نفس قنبلة توابل. التلت الأول غني جدًا بالتوابل، بعد شوية بدأت أميز القرفة وزغرغة الشطة في آخر لساني، وحرقان الفلفل الأسود في الريتروهيلينج. الدخان كثيف، والنيكوتين ماشي معاك من الأول بمعدل متوسط. التلت التاني التوابل بتقل شوية، والمكسرات المملحة بتطهر بقوة، وتحديدًا الكاچو بيسيطر، عشان يظهر معاه بعد شوية مرارة حبوب القهوة، وكام خبطة نيكوتين في الزور. التلت التالت التوابل بتقل أوي، بس مبتختفيش، وبرضه المكسرات. القهوة بتختفي، ويظهر مكانها طعم سوكولاتة دارك قوي. وبرضه النيكوتين مكمل. مفيش خبطات، بس بيتقل شوية ويفضل موجود بمعدل ثابت. ولأن الحلو ميكملش، الكاتر عشان رخيص، عمل شرخ في طرف الكاب، وقرب الآخر الشرخ كبر ووصل للرابر وبوظ تقريبًا نص التلت الأخير. لكن ده ممنعش إني استمتع بالسيجار، خصوصًا إنه أخد مدة تدخين حوالي ساعة وتلت، وكان ممكن يكمل ١٥ لـ ٢٠ دقيقة كمان. معايا منه كمان ستيك، هاشرب معاها هوت تشوكلت عليها رشة قر...

القصير المكير، فخر إنتاج الشرقية للدخان. ١٥ يوم مع البوڨيدا، منهم ١٢ حطيت معاه حتة فحم. والنتيجة: أول نفس بهنت قوي لليوسفي. التلت الأول طعم اليوسفي فضل شوية وقل مع الوقت. التلت التاني هنت سوداني محمص ومملح خفيف، وفلفل أبيض تحسه جاي من بعيد في آخر اللسان. ولحد دلوقتي مفيش مرارة ولا المزازة المستفزة في منتجات الشرقية للدخان. التلت التالت الفلفل الابيض بيزيد ويبدأ يبان في الريتروهيلينج على حساب السوداني اللي بيقل، بس مبيختفيش. النيكوتين بيبدأ يظهر على استحياء مع شوية مرارة خفيفة مش مزعجة. القطع كان تربل بانش وده لأن الكاتر الـ V اللي عندي صغير والقطع الـ straight خطر مع الكاب اليتيم اللي بيطرقع بسهولة في سيجار الشرقية للدخان. الدرو كان طيارة، والدخان كثيف. ومقدرش أقول كان في أروما، بس الدخان مكانش مزعج زي عادة سيجار الشرقية للدخان. تجربة ممتعة في العموم. والشرقية للدخان لو اهتمت شوية بتخزين وتعبئة السيجار بتاعها، هتطلع شغل ملوش حل.

  سيجار صباحي لطيف مناسب للي عاوز يبدأ يومه بـ استيك ناعم خفيف. الإيحاءات سكرية بلمحة برتقال مع طعم كريمي أقرب لطعم بسكوت بالزبدة، وبيختم بطعم إيرثي ولمحة فلفل أخضر. الريتروهيلينج هادي مع زغزغة فلفل أبيض لطيفة. النيكوتين خفيف، موصلش لدرجة خبطة واضحة، عشان كده بأقول إنه سيجار خفيف، ومناسب للشرب معاه شاي بحليب منه فيه، وبسكوت برتقال أو بالزبدة. سعره عالي حبتين بالنسبة لقيمته، بس في المجمل كان تجربة لطيفة أحب أكررها بس بسعر أقل.

أول سيجار وأول كولكشن اشتريه كان في استعدادات العيد الكبير. واختياري كان لكولكشن مكون من: H. Upmann half corona Cohiba Exquisitos Davidoff signature 1000 Romeo y Julieta No. 2 H. Upmann Magnum 46 مكتوبين بترتيب تدخيني ليهم، وكانو في كيس حفظ سيجار، اللي كنت أول مرة اسمع عنه. والغريب إني بدأت ونهيت بالـ H. Upmann اللي ماتبسطتش بالـ half corona وكمان خلص بسرعة. الـ Davidoff خلص بسرعة جدًا برضه، وملحقتش استمتع بيه، لكن خلاني متشوق جدًا أجرب إصدارات Davidoff وغالبًا لما ييجي وقتها، هاخد معاهم فترة. الـ Romeo y Julieta No. 2 مش محتاج كلام مني، اتبسطت بيه جدًا، يمكن أكتر من رقم 3 اللي كان أول سيجار غير رسمي يلمحلي إني ممكن ادخل عالم السيجار. طبعًا ختامه كان مسك مع الـ  H. Upmann Magnum 46. السيجار قعد حوالي شهر في كيس الحفظ، وطالع زي الفل، وده يدل على إنه كان متخزن كويس قبل مايجيلي. سيجار طوله 14.3 سم، والرينج 46، مقاس غير منتشر اسمه Corona gorda، ممكن نقول إنه أقرب للروبستو بس أكبر شوية، واللي شكله هخلي الروبستو يبقى من مقاساتي المفضلة. السيجار كوبي، هاند ميد، لونج فيلر، الكاب بتاعه ٣ طب...